 |
| Facial Hair Removal Tips Urdu |
Khawateen Ke Chere Par Jisum Ke Digar Hissoon Par Geer Zarori Baal Hote Hain Jin Ka Koi Khaas Kam Nahin Hota Aur Budnumaa Mehsoos Hote Hain.
Aksar Khwateen Cehre Aur Jisum Ke Digar Hissoon Par Mojood In Gheer Zaroori Baloon Se Pareshaan Rehti Hain, Jo Ankhoon Ke Ird Gird ,peshani , Thoori ,hontoon Ke Opri Hisse Aur Cehre Ky Aatraaf Mojood Hote Hain.
Jubke Khwateen In Gheer Zaroori Baloon Se Nijaat Paane Ke Liye Mukhtaleef Tariqe Kaar Jese (Bleaching)(Threading)razor Hair Removal Creams , Ka Istimaal Karti Hain, Lekin Wo In Se Mustaqil Nijaat Hasil Karne Main Kamiyaab Nahin Hotin.
Khwateen Ke Gheer Zarori Baloon Se Mustaqil Nijaat Ki Pareshani Ko Dekhte Howe Mandarja Zail Chand Facial hair removal tips Urdu Ghreloo Totkay Bataye Gaye Hain Jin Par Amal Kar Ke Khwateen Gheer Zaroori Jismani Baloon Se Koch Arsey Main Mustaqil Nijat Hasil Kar Sakengi.
Facial hair removal tips & tricks
Gayeer zaroori baloon se chotkara pane ke liye khwateen bleachings, threadings key ilawa deegar tariqe jese ke hair removal creams, lotion aur deegar kimiyai masnoaat kaa istamaal karti hain jo sirf aarzi nataaij maratab karte hain.
Haqeqat mein un tareqoon ka istemaal ghair zaroori baloon ki nash-o-numaa ko ziyada mutharrak kar detaa hai, jo jild par sakht asraat muratab karte hen. In tarikoon ki bajaye agar batayi gayi facial hair removal tips Urdu par amal kia jaye to khwateen chand hafton main in ghair zaroori baloon ki nash-o-numa ko rok kar un se mustaqil nijaat bhi paa sakti hain.
 |
| Facial hair removal tips |
Cehre Aur Jisum Ke Dosre Hissoon Par Mojood Gheer Zaroori Baloon Ko Khtam Karne Ke Liye (Besan) Ka Istamaal Sub Se Qadeem Aur Azmooda Tariqa Hai. Besan Aur Paani Ko Milaa Kar Creami Past Bna Kar Geer Zaroori Baloon Par Lagayen Aur Halka Saa Khushak Kar Hone Par Ragar Kar Utaar Lain, Is Se Na Sirf Gheer Zaoori Baloon Ka Khatma Hoga Balke Jild Bhi Narum O Mulaem Ho Jayegi.
Ek Cup Paani Mein 30 Graam Cheeni Aur 2 Chammach Lemon Ka Ras Mila Len.is Paste Ko Chehre Aur Jisam Ke Ghair Zaroori Baloon Par Lagayen. Taqreeban 20 Minute Baad Jild Ko Dho Lain. Behtareen Nataij Ke Liye Is Amal Ko Hafte Mein Ek Martaba Zaroor Dohrayeen, Chand Haftoon Main Baaloon Ki Afzaish Main Waaze Kami Aa Jaygi.
Aaloo Aor Masoor Ki Daal Pees Kar Leep Banaa Len, Is Leep Ko Ghair Zaroori Baloon Par 15 Min Tak Lagayen Aur Dhoo Lain. Is Tareeqe Se Nah Sirf Baloon Ke Dobaarah Ugnee Mein Kami Aayegi Balkee Jild Ki Rangat Bhi Nikhar Jaye Gi. Kiun Ke Aaloo Mein Qudrati Bleaching Ajizaa Paye Jate Hen.
Kelee Ko Masal Kar Is Mein Jai Mila Leen. Is (Scrub) Ko Ghair Zaroori Baloon Par Leep Karen Aur 15 Se 20 Min Baad Matlooba Jald Ko Dho Len. Is (Scrub) Ko Haftee Mein Kam Az Kam Ek Martabaa Zaroor Istemaal Kiyaa Karen. Chand Haftoon Ke Mustaqil Istemaal Se Ghair Zaroori Baloon Se Mukammal Nijaat Mil Jayegi.
Haldi Aur Papite Ke Juice Ko Milaa Kar Careemi Paste Banaa Leen. Is Paste Ko Chehre Aur Jism Ke Ghair Zaroori Baloon Par Taqreeban 15 Min Taq Lagayeen Aur Bhar Ragar Ko Dho Len. Yeh Paste Nah Sirf Balo Ki Nasho-numa Rokne Mein Madad Gaar Hai Balkay Jald Ko Naram O Mulaem Aur Khobsorat Bana De Ga.
Facial Hair Removal Totkay
Mandarjaa Zeel Mein Chehre, Hontoon, Peshaani, Thoori, Aankhoon Ke Ird Gird Aur Deegar Jismaani Baaloon Se Mukammal Nijaat Paane Ke Gharelu Totkay Betaye Gaye Hain Jin Ki Madad Se Aap Ghar Mein Mojood Ajzaa Se (Hair Removal Cream) Aur (Scrub) Bana Kar Ghair Zaroori Jismaani Baaloon Se Mustaqil Nijaat Pa Sakten Hain.
Tips # 1
Ye Ghareloo Totka Ghair Zaroori Baloon Se Mukammal Nijaat Dilaane Aur Un Ki Dobaarah Nash O Numa Rookne Ke Liye Behtareen Hai. Is Totkay Ke Liye Aap Ko Mandarja Zeel Ghareelo Ajzaa Ki Zaroorat Hogi.
Pise Howe Badaam – 1 Khane Ka Chammach
Multaani Mitti – 1 Khaane Ka Chammach
Medicated Cream – 1 Khaane Ka Chammach
Arq E Gulaab – Hasb E Zarorat
Tamaam Ajzaa (Pise Hue Badaam, Arq E Ghulab, Medicated Cream Aur Multaani Mitti) Ko Kisi Piyaale Mein Daal Kar Achi Terhan Mix Kar Leen. Is Paste Se Chehre Aur Degar Ghair Zaroori Baloon Wali Jagaah Par Halke Haath Se Massage Kareen, Taqreeban 10 Min Baad Neem Garam Paani Se Jald Ko Dho Leen.
Is Amal Ko Hafte Mein 2 Se 3 Martabaa Dohrayen, Chand Haftoon Ke Istemaal Se Ghair Zaroori Baal Jard Se Khatam Ho Jayenge.
Yee Ghareloo Hair Removal Mask Nah Sirf Ghair Zaroori Baloon Ko Jard Se Khatam Karta He Balke Jild Ko Bhi Naram O Mulaim Banataa Hai. Is Gharelo Totkay Ke Liye Aap Ko Mandarjaa Zeel Ajzaa Ki Zaroorat Hogi.
Besan – 2 Khaane Ke Chammach
Dahi – 2 Khaane Ke Chammach
Haldi – 1 Khaane Ka Chammach
Besan, Dahi Aur Haldi Ko Kisi Bhi Bartan Mein Achi Tarah Mila Leen, Aur Ab Is Paste Ko Ghair Zuoori Balon Par Laip Kar Deen. Jab Laip Sookh Jaye To Kheench Kar Utaar Len Aur Mazkoorah Jild Ko Neem Garam Pani Se Dho Kar Skin Care Cream Se Massage Karen. Inshahallah Chand Dino Ke Baqaida Istemaal Se Ghair Zaroori Baal Jard Se Khatam Ho Jayenge.
Yeh Ghrelu Scrub Ghair Zaroori Jismani Baalo Ko Jard Se Khatam Karne Ke Liye Be Had Kaar Amad Hai, Is Ghareelo Sekrab Ko Banane Ke Liye Aap Ko Mandarja Zeel Ajzaa Ki Zaroorat Hoogi.
Besan – 2 Se 4 Khane Ke Chammach
Haldi Powder – 2 Khane Ke Chammach
Fresh Cream – Aadhi Piyali
Doodh – 1 Cup
Besan, Haldi Powder Aur Fresh Kareem Ko Kisi Bartan Mein Daal Kar Achi Terhaan Mix Kar Lain. Jab Sab Cheezain Yakjaan Ho Jayeen To Is Mein Doodh Daal Kar Name Gaarha Paste Banaa Len.is Paste Ko Chehrey Aur Jism Ke Deegar Ghair Zaroori Baloon Par Is Tarah Lagaeen Ke Paste Tamam Ghair Zaroori Baloon Par Lag Jaye.
Jab Paste Khushq Ho Jaye To Unglio Ki Madad Se Ragar Ragar Kar Utar Len, Musalsal Istemal Se Baar Baar Ugne Wale Ghair Zaroori Baal Aahista Aahista Mukammal Khatam Ho Jayeenge.